今次的Placement,我學到好多野...也是我理想中工作的一個體驗.

終於都感受到係學校學的野,係用到出來的.

比起其他在Consultant做8,9點都未放工的同學,我都算好幸福,可以5點半就放工返屋企...Contractor就係有呢個好處.

這個就是我的位.我心目中的工作桌就是可以讓我放我喜歡的模型.

看到嗎?我在返工的頭一個星期太悶了,所以畫了一個膠紙座....而家送左俾隔離位的同事.

位的後面有個櫃...本身都放左好多野,code啊,section properties啊...但都執得七七八八了.

更多相...請進內

(閱讀全文)

真是第一次.....我買了單車後,每次踩車都落雨,有一次,我落街搵人拿d野,全程20分鐘啦...我見完個人,拿完野,回程的時候超大雨..大雨到我真係睇唔到路.我就話"上帝你玩野啊"...我再想,上帝玩野的話返到屋企一定停雨,點知.....真係停雨...好野啊你.[為此我幫我的單車改了一個名-招雨丸].今天沒有下雨,真的感謝上帝無玩我同我架招雨丸.

難得上帝開恩,當然去踩過夠本.

我由粉嶺圍送我的弟兄返上水之後,我就開始左去遊車河了.

我的路線圖如下.

重點除左係去梧桐河之外...其實係我順手返去粉嶺中心買模型同去聯和墟睇模型XD

睇更多相...請內進^^

(閱讀全文)

適逢阿rock生日,又應承左上次搵返d錢就要請大家食牛扒...所以今日就係人生中,第一次煎6塊牛扒....

老實說,初初都有唔少信心會ok ga.

但...試作第一塊之後....好淡wo.

火喉都ok,但...就係太淡...

一次過掩6塊扒,重要係有其他人係度,用的野雖然係自己執去的,但係...就係唔夠味.

我就試下落多d鹽....食之前都落d豉油..但就係差d味,又煎耐左,有點太老.

(閱讀全文)

今天,我就將我的私房菜拿出來招呼大家.

我三樣最愛食物,第一龍蝦,第二羊扒,第三牛扒.

龍蝦之所以係第一,不是單單因為貴比較少食到.反而全因為家姐上年去加拿大,買左一箱龍蝦返來.一落機返到屋企,開箱之後...龍蝦就開始訓醒,跳跳扎.老豆兩三下手勢,又芝士焗,又蒜泥蒸,食到我完全停唔到口.果種鮮味同口感,真係食過番尋味.一箱十幾隻的龍蝦,我家3日就食晒.

羊扒比牛扒更高位的原因,單單係因為羊係比牛更有鮮味.而且更肥美.中三summer去上海黃埔江食燒羊肉串...真係好食到不得了.

牛扒...老實說,三樣食物之中食得最多,而且好容易就可以買返來自己整.所以真係排得最低.但喜愛的程度都係好高...研究左好多年,煎左好多塊失敗品,近呢半年終於俾我學識左點樣煎一塊好食的牛扒.

原來...要食牛扒有牛味,最重要係加兩樣野-生粉同油.

(閱讀全文)

今日支撐了成日,返完工重要補習...

補完習啦...本身約好左同中學同學食飯.但真係唔舒服...最後milton叫我去吹下水算.

好啦....去到啦...

(閱讀全文)

不過我一早都估到上帝會幫我搵返呢$400.

但....錢搵返,身體卻抱恙.呢一排的休息唔夠加上飲太多冷飲和奶茶咖啡所至...

上帝啊,幫下我快d好返啦.

今日買左米倉千尋的新cd-ever after...全是舊歌翻唱.有人地的歌,有好幾首自己的歌,但重新remix.

感覺好好...是米倉千尋的style...最推薦係MS08小隊主題曲-暴風雨中的光輝及機動戰士Z高達的主題曲...水星XXXX[唔打日文啦...]

堆歌好多人翻唱過...下川啊,石田啊...但,下川和石田的感覺都係rock.呢次一聽...感覺就係..

"啊...係果首歌,但...好千尋feel." 結他,輕快..沒有什麼沉重,悶氣的抒情.不錯...千尋婚後第一隻大碟.雖是"翻舊唱",但都俾你90分啦.

今日重交收左113號bb-風車之百式.好物啊!!!為左佢入面果個"風雷之神器",俾多幾蚊都無所謂.多謝李生msn轉yahoo的這拍賣...

點解我咁想要那個神器...都係果句"這是當年的怨念"...

(閱讀全文)

去到...好多野..多到食唔晒.

好熱,但好開心.

食完野,我地去左龍豐打算去食糖水涼返下啦,但我銀包又無乜錢,咪去銀行atm拿錢lo..

快手去完返到來,食下野,傾下計,3,4分鐘後,打算俾返上次活動的錢俾jelly時.........

.............大鑊啦,我無拿到錢wo.大拿拿$400就留左係atm度,唔知會唔會俾人拿左.

(閱讀全文)

在詩班快一年了...今日,我自term break camp後,再一次感受到我活在詩班裡.

...成日的行程好多野搞...先係化妝...化了約1個鐘..隻眼化到奇奇怪怪,好想俾d專業的姊妹去化,但....搞唔到啦,只好遮得就遮.[我自覺唔化都真係無乜所謂]

之後就不停的彩排......

到出場前...大班人一齊堆係個後台,好緊張咁等出場,真係好開心...

.......看啊.....

(閱讀全文)

想不到自己成了大輸家.

同時也發現了,自己講大話的能力好低...有關講假野的game我多數都輸...

講大話差之餘,介紹自己的能力都唔太好.

那都讓我將12樣我的喜好和特徵說出來.

(閱讀全文)

呢個星期剛剛開始返placement,公司返9點放5點半.

放工都好準時...但,補習學生又要考試,叫我一定要去補.

補習之外重要加班練歌...因為聖詩會同周年音樂會都快到啦.

好辛苦...每日都7點起身,晚上11點先返到屋企.公司的工作唔多,但好悶...日日都好似返去溫書咁.

......

(閱讀全文)

但原來咁快就放完假.....help

下星期開始就要返工...返一間Steel structure的公司.

重砌緊兩隻BB..唔知返工前砌唔砌得完呢...

不過溫書溫到自己都shotshot地就真的...講野一舊舊,又語無倫次...

講返正題.

(閱讀全文)

 才發現,自己每年四月都會病的......

今次...算係病得最耐的一次了...

清明節假呢3日,睇左兩套戲,打左好多機,溫左一次書... 兩套戲"福音戰士新劇場版:序"和"三國之見龍卸甲"..

第一套睇的三國片就令我幾失望...改編都還好,點解要老作-曹嬰呢個角色?

明明趙雲就係病死的....角色,都還好,有無必要一定要趙雲戰死沙場呢? 三國志入面的趙雲都唔係咁差jar.

 好期待的"赤壁"...唔知幾時先上.

周公瑾啊.......我實在太欣賞你啦.好想親自睇到你的英姿[雖然唔係真係你..]

但希望還是不要這麼大...這終究是一套商業電影...

相比之下..Eva真係好好睇. 好睇到睇左N次的故事,再睇一次都覺得有趣.

新的劇場版...有兩樣野好想讚一讚.

1.畫功有好大的進步.CG細緻,一流.

2.宇多田光的歌"Beautiful World"好正.

(閱讀全文)

但...計埋今日...睇左4次醫生,病左足足一個月...

主啊,病唔緊要...我真係唔想再病落去...求你醫治我.

係教會活動隊最開心的係...將自己所想的野變為真實.

自己開心之餘....睇的人都開心.

(閱讀全文)

搞到我都有d好奇...我就去睇返人流計的search engine內容...知道好多人都係因為search BB戰士而入來....

好奇的我又去Yahoo search了一次BB戰士...

令我驚訝的大發現....

(閱讀全文)